المحلاوية: خالد عيد جعل من غزل المحلة فريق منافس للكبار وليس مجرد مشارك بالدوري

إيهاب زغلول

احتل الكابتن خالد عيد المدير الفني لغزل المحله صفحات التواصل الاجتماعي لمواطني المحلة تقديرا للجهد الكبير الذي بذله وفريقه في الدوري الممتاز كان آخرها الفوز علي النادي الأهلي مشيرين إلى أنه حقق في أصعب مبارياته بنتائج رائعة فقد استطاع غزل المحله التعادل مع سموحه و الاتحاد و خسر من المصرى 1_0 بالعافيه وفاز على الزمالك و الاهلى و تعادل مع بيراميدز و دى فرق بتنافس على مقعد فى الكونفدرالية.

وأشار المحلاوية عبر صفحاتهم على السوشيال ميديا قائلين " فيه لاعيبه فى الـ 6 فرق دول بميزانيه فريق غزل المحله كله، بس عندهم جوهره اسمها خالد عيد اللى اى فريق بيدربه بيلعب معاه كوره ممتعه مش مجرد ضيف شرف فى الدورى"

وقال محبي غزل المحلة "المحله اخر مواسمه فى الدورى كان من الدور الأول هبوطه محسوم اتحول لفريق الكل بيعمله حساب"

وأضافوا" الراجل ملوش علاقات ولا اعلاميين يسوقوا إنجازاته ولا وكيل يخليه يمسك نادى امكانياته اكبر من المحله بيشتغل فى هدوء و بيجبر الكل على احترامه".

وأضاف المشجعين" بدل ما نقول ليه للزمالك خسر و الاهلى خسر نحول الدفه شويه و الراجل دا ياخد حقه بدل ما فى نهايه كل فقرة ياخد اشاده فى سطر صغير فى قنوات بتحلل بالساعات.. برافو خالد عيد"

وكان قد نجح فريق غزل المحلة بالفوزعلى الأهلي بهدف دون رد في اللقاء الذي أقيم بين الفريقان مساء أمس في إطار الجولة الـ 19 من مسابقة الدوري يبقي الأهلي في المركز الثاني برصيد 37 نقطة، بينما رفع المحلة رصيده إلى 27 نقطة في المركز الثامن.

مواضيع أخري لهذا الكاتب